අමෙරිකාව සමග සතුරුකමක් නෑ | සාකච්ඡා ධනාත්මකයි : පුටින් – බයිඩන් හමුව

Saturday, 19 June 2021 - 15:46

සයිබර් ආරක්ෂාව සහ න්‍යෂ්ටික අවි පාලනය සම්බන්ධයෙන් එක්ව කටයුතු කිරීමට රුසියා – අමෙරිකානු ජනාධිපතිවරුන් එකඟතාවකට පැමිණ තිබෙනවා. ඒ, ස්විස්ටර්ලන්තයේ ජිනීවා නුවර විලා ලා ග්‍රේන්ජ් හිදී පැවති නායකයින් දෙපළගේ මංගල හමුවේදීයී. පැය තුනක කාලයක් පුරා පැවති සාකච්ඡාව, මිත්‍රශීලීත්වයෙන් තොර වෘත්තීයමය සාකච්ඡාවක් වූ බව, විදෙස් මාධ්‍ය සඳහන් කර සිටිනවා. සිය රට කැඳවූ දෙරටේ තානාපතිවරුන් යළි සේවයේ පිහිටුවීමට ද නායකයින් දෙපළ එහිදී වී තිබෙනවා. පසුගිය මාර්තු මාසයේදී අමෙරිකානු ජනාධිපතිවරයා විසින් රුසියානු ජනාධිපතිවරයා ඝාතකයෙකු ලෙස හඳුන්වනු ලැබුවා. ඒ හේතුවෙන් විලැද්මීර් පුටින් වොෂින්ටනයේ සිටි රුසියානු තානාපතිවරයා සිය රට කැඳවීමත් සමග, ජෝ බයිඩන් ද මොස්කව්හි සිය තානාපතිවරයා යළි කැඳවීමට කටයුතු කර තිබුණා. සිරගතව සිටින විෂ ශරීරගත කළ රුසියානු විපක්ෂ නායකවරයා මිය ගිය හොත්, එහි ප්‍රතිවිපාක රුසියාවට විඳීමට සිදුවනු ඇතැයි අමෙරිකානු ජනාධිපතිවරයා එහිදී ප්‍රකාශ කර තිබෙනවා. මෙවැනි හමුවකින් අනතුරුව නායකයින් දෙපළ ඒකාබද්ධ මාධ්‍ය හමුවක් පැවැත්වීම සම්ප්‍රදාය වුවත්, රුසියා, අමෙරිකා ජනාධිපතිවරුන් වෙන් වෙන්ව මාධ්‍ය සාකච්ඡා පවත්වා තිබුණා. ජෝ බයිඩ්න්ට පෙර මාධ්‍ය සාකච්ඡාවක් කැඳවූ රුසියානු ජනාධිපති විලැද්මීර් පුටින් සඳහන් කළේ, රුසියාවට නව සීතල යුද්ධයක් අවශ්‍ය නොවන බවයි. රුසියානු විපක්ෂ නායකයා සම්බන්ධයෙන් සහ අමෙරිකාවට එල්ල වූ සයිබර් ප්‍රහාරවලට රුසියාව වගකිවයුතු බවට බයිඩ්න් ඉදිරිපත් කළ මත ප්‍රතික්ෂේප කරන බව, රුසියානු ජනාධිපතිවරයා එම මාධ්‍ය හමුවේදී සඳහන් කළා. එහෙත්, ඔහු අවධාරණය කළේ අමෙරිකාව සමග සතුරුකමක් නොමැති බවයි. මේ අතර සාකච්ඡා ධනාත්මක බව, අනතුරුව මාධ්‍ය හමුවක් කැඳවමින් ජෝ බයිඩ්න් සඳහන් කර තිබුණා. රුසියාව සමග සබඳතා වර්ධනය කරගැනීමේ සැබෑ අපේක්ෂාවක් මේ වන විට පවතින බව ද ඔහු එහිදී ප්‍රකාශ කර තිබෙනවා.

123


ඉන්දීය අධිකරණයක් තුළ ඝාතනයක්.
Saturday, 25 September 2021 - 11:44

ඉන්දියාවේ නවදිල්ලියේ අධිකරණයක් තුළදී අපරාධ...Read More

ස්පාඤ්ඤයේ ගිනිකන්දක් සක්‍රීය වෙයි .
Saturday, 25 September 2021 - 11:41

ස්පාඤ්ඤයේ ලා පල්මා දූපතේ පිහිටි කුම්බ්රේ වී...Read More

තලෙබාන් පාලනය රටවල් 3ක් සමග සාකච්ඡා.
Friday, 24 September 2021 - 11:28

ඇෆ්ගනිස්ථානයේ පාලන බලය හිමි තලෙබාන් සංවිධා...Read More